Դոնեցկում զոհվել է ռուսական Առաջին ալիքի օպերատորը

Գիշերը Ուկրաինայի Դոնեցկի շրջանում զոհվել է ռուսական Առաջին ալիքի օպերատոր Անատոլի Կլյանը. հայտնում է ОРТ-ն:

Միջադեպը տեղի է ունեցել զինվորական զորամասերից մեկի մոտ, որտեղ նկարահանող խումբը ռեպորտաժ էր պատրաստում: Զինվորականների կողմից անսպասելի կրակոցներ են արձակվել, ինչի հետևանքով 68-ամյա Կլյանը որովայնի շրջանում հրազենային վնասվածք է ստացել: 

Ըստ ОРТ-ի  մեկ այլ թղթակցի՝ որպես հին սերնդի պրոֆեսիոնալ` Կլյանը մինչև վերջին րոպեները մտածել է աշխատանքի մասին, երբ նրան դուրս են հանել ավտոբուսից, որպեսզի հիվանդանոց տեղափոխեն, նրա վերջին բառերը եղել են՝ «տեսախցիկը, տեսախցիկը»: Տեսախցիկը մնացել էր ավտոբուսում: