Մարդու իրավունքների պաշտպանության առումով` ամենավատ վիճակը Տավուշում է

Մարդու իրավունքների պաշտպան Կարեն Անդրեասյանն այսօր լրագրողների հետ զրույցում, խոսելով մարզերում մարդու իրավունքների վիճակի մասին, նշեց, որ 2013թ. ցուցանիշներով` ամենատխուր վիճակը Տավուշի մարզում է, որովհետև այնտեղ թե' խնդիրներն են շատ, թե' ՄԻՊ գրասենյակում կա պասիվություն, մարդիկ ոտքի չեն ուզում կանգնել իրենց իրավունքների պաշտպանության համար, և խնդիրները մնում են ծածկված ու պասիվ վիճակում:

ՄԻՊ-ը նշեց, որ Լոռու մարզում մարդիկ ակտիվ են իրենց իրավունքների պաշտպանության հարցում, Սյունիքում նույնպես սուր հարցեր կան:

«Խնդրահարույց է այն, որ կա խնդիր, բայց մարդիկ չեն բողոքում: Աայդ դեպքում շանսերը, որ ինչ-որ բան կփոխվի, նվազում է: Սակայն Լոռու մարզում իսկապես մարդիկ գերակտիվ են և ինտելեկտուալ աշխատանք են անում իրենց իրավունքների պաշտպանության համար»,- ասաց Կարեն Անդրեասյանը: