ՄԱԿ-ի Մարդու իրավունքների խորհուրդը պահանջել է ճնշում գործադրել Թուրքիայի վրա՝ մարդու իրավունքների ոտնահարման պատճառով

Այսօր ՄԱԿ-ի Մարդու իրավունքների խորհրդի Ունիվերսալ պարբերական ակնարկի աշխատանքային խմբում քննարկվում է Թուրքիայում մարդու իրավունքների դրությունը: Շվեյցարիայի Ժնև քաղաքում արդեն երրորդ անգամ կքննարկվի Թուրքիայում տիրող դրությունը. ըստ Yerkir.am-ի՝ հայտնում է Deutsche Welle-ի թուրքական ծառայությունը:

Մասնակից երկրներին կոչ է արվում ճնշում գործադրել Անկարայի վրա. «Թուրքիայում վերջին 4 տարիներին խոսքի ազատությունը խաղաղորեն օգտագործած լրագրողները, ակտիվիստները, մարդու իրավունքի պաշտպանները և կառավարությանն ընդդիմադիր գործիչները ձերբակալվում են իրենց գործունեության համար», - նշված է Human Rights Watch-ի տարածած հայտարարության մեջ:

Նաև նշվում է, որ երկրի ղեկավար Ռեջեփ Թայիփ Էրդողանը օգտագործել է հուլիսի 15-ի ռազմական հեղաշրջման փորձի փաստը՝ ձերբակալություններին օրինականություն հաղորդելու համար: