Օլանդը չնկատե՞ց իր պատվին պաստառապատված շենքերը

Արդեն հայտնել ենք, որ այսօր պետական այցով Հայաստանում գտնվող Ֆրանսիայի նախագահ Ֆրանսուա Օլանդը Սերժ Սարգսյանի հետ մասնակցեց Մաշտոցի պուրակը Ֆրանսիայի ազգային հերոս, անվանի բանաստեղծ Միսաք Մանուշյանի անունով անվանակոչելու և դա խորհրդանշող հուշարձանի բացման արարողությանը:

Մինչ երկու երկրների նախագահները լսում էին Հայաստանի կամերային նվագախմբի կատարումը, Ֆրանսուա Օլանդը նկատեց պուրակի հետնամասում սպասող բազմությանն ու քայլերն ուղղեց այնտեղ: Ֆրանսիայի նախագահն անցավ, բայց կարծես չնկատեց պուրակը շրջապատող` իր պատվին պաստառապատված կիսակառույց շենքերը: Նա մոտեցավ հավաքվածներին ու ողջունեց նրանց: Չնայած նախագահների անվտանգության աշխատակիցների « Mister president, back» (պարո’ն նախագահ, հետ) վանկարկմանը` Օլանդը շեղվեց և, տրորելով խոտերը,  մտավ կանաչապատ տարածք:

Մանրամասները` yerkir.am-ի տեսանյութում: