Խարկովում չեղյալ է հայտարարվել մայիսին 9-ի զորահանդեսը` վտանգավոր է

Խարկովի քաղաքային և մարզային իշխանությունները միացյալ որոշում են կայացրել` չեղյալ հայտարարել Հայրենական պատերազմում հաղթանակի օրվա առթիվ մայիսի 9-ին կայանալիք ռազմական շքերթը: Այս մասին հայտնում է gazeta.ru-ն:

Նահանգապետ Իգոր Բալուտան ասել է, որ որոշումն ընդունվել է՝ ելնելով անվտանգության նկատառումներից: Իշխանությունները բազմաթիվ ազդանշաններ են ստանում, որ կարող են սադրանքներ լինել քաղաքական տարբեր ուժերի և հասարակական կազմակերպությունների կողմից:

Բացի դրանից՝ զորահանդեսը չեղյալ հայտարարելու պատճառներից է Հակամայդանի կոշտ պահանջը: Այսօր Խարկովում հավաքված հարյուրավոր մարդիկ պահանջել են չեղարկել ռազմական շքերթը՝ հայտարարելով, թե դրան մասնակցելու են նաև Արևմտյան Ուկրաինայից զինվորականներ, «որոնք այժմ Դոնբասում կրակում են խաղաղ բնակիչների վրա»: