Օսմանյան զինվորական նվագախմբի քայլերթը չեղյալ է հայտարարվել

Հոկտեմբերի 3-ին Լոս Անջելեսում` Օսմանյան զինվորական նվագախմբի անցկացվելիք քայլերթը չեղյալ է հայտարարվել։ Համապատասխան որոշումն ընդունել են միջոցառման կազմակերպիչները. գրում է «Ասպարեզը»` հավելելով, որ միջոցառումը չեղյալ հյատարարելու պատճառը հայտնի չէ:

Հիշեցնենք, որ քայլերթի դեմ հայտարարությամբ երեկ հանդես էր եկել  ՀՅԴ Ամերիկայի Հայ դատի հանձնախմբի Արևմտյան շրջանի գրասենյակը` դատապարտելով Լոս Անջելեսի իշխանությունների անպատասխանատու այդ նախաձեռնությունը` «սպանդ իրականացրած  տխրահռչակ օսմանյան բանակից սերող խմբին թույլ տալ ելույթ ունենալ Լոս Անջելեսում»:

Հայտարարության մեջ նշվում էր, որ թուրքական նվագախմբի այցը վիրավորական եւ անընդունելի է ԱՄՆ հայ համայնքի համար, հատկապես` որ նվագախումբը ելույթ է ունենալու Լոս Անջելեսի Little Armenia (Փոքր Հայաստան) թաղամասից մի քանի թաղամաս այն կողմ, իսկ այդ տարածքում ապրող հայերի շրջանում դեռ կան մարդիկ, ովքեր հիշում են Ցեղասպանության սարսափները, եւ  քայլերթը հոգեբանական ծանր հարված կլինի նրանց համար: