Հեղինե Բիշարյանի ստատուսը

«ՕԵԿ-ի` կոալիցիային մաս չկազմելու քաղաքական խորհրդի որոշումից հետո հայրենի քաղաքական դաշտի որոշ հատված հետաքրքիր ակտիվություն է ցուցաբերում: Հետաքրքիր այն իմաստով, որ ինչքան ժանգոտած, ժամկետանց, ոտքի տակ մաշված գործիքներ ու քաղաքական փալասներ կան, սկսել են վայրահաչել ՕԵԿ-ի դեմ:

Մարդ-կուսակցությունները, դեղին մամուլը, առանձին իբր՝ քաղաքագետներ ու վերլուծաբաններ, որոնց համար դաշտ է բացվել՝ ևս մեկ անգամ հիշեցնելու իրենց մասին, մեջները կուտակված թույնն ու մաղձը խրոխտ դուրս են հանում:

Հասկանում եմ ձեր անհանգստությունը, ձեր` քաղաքականության մեջ կենդանության նշաններ ցույց տալու ձգտումը, բայց… Հայտնի խոսք կա՝ «կա քարերը հավաքելու և կա քարերը նետելու ժամանակը»:

Երբեք չենք խորշել առողջ քննադատությունից, բայց` առողջ, կառուցողական, սակայն երբ անցնում են քաղաքական ու բարոյական էթիկայի սահմանները, ապա... Ասելիքս հետևյալն է` բոլոր նրանց, ովքեր հիմա ակտիվացել են ու անցնում են չափերը` առանձին-առանձին անդրադառնալու եմ…»,- գրել է ՕԵԿ խորհրդարանական խմբակցության ղեկավար Հեղինե Բիշարյանը «Ֆեյսբուք»-ի իր պատին: