Հայաստանը Մոսկվային է արտահանձնել ադրբեջանցի վարձու մարդասպանի

Հայաստանը Մոսկվային է արտահանձնել վարձու մարդասպանի, որին կասկածում են գործարարի սպանության մեջ: Այս մասին հայտնում է  БалтИнфо-ն` վկայակոչելով  իրավապահ մարմիններում  իր աղբյուրը:

Տեղեկության համաձայն՝ 2004-ին  Ռուսաստանի քաղաքացիություն ստացած ադրբեջանցուն կարողացել են վնասազերծել հայ և ռուս իրավապահ մարմինները: « րան ձերբակալել և Ռուսաստան են տեղափոխել 2014-ի ապրիլին: Ձերբակալվածը կասկածվում է 2012 թվականին Մոսկվայում ղազախ գործարարի սպանության մեջ»,- ասել է աղբյուրը:

Դեռ Ռուսաստանում գտնվելու ժամանակ հանցագործի ինքնությունը պարզվել է, սակայն նրան հաջողվել է հեռանալ Ռուսաստանից:

Ըստ աղբյուրի՝  ձերբակալվածը 27 տարեկան է:

Ներկայումս աշխատանքներ են տարվում սպանության պատվիրատուին հայտնաբերելու ուղղությամբ: