Լեոնարդո Դի Կապրիոն Սկորսեզեի նոր ֆիլմում կմարմնավորի սերիական մարդասպանի

Հայտնի դերասան Լեոնարդո Դի Կապրիոն նկարահանվում է հայտնի լրագրող և վավերագրող Էրիկ Լարսոնի «Դևը` Սպիտակ քաղաքում» գրքի վրա հիմնված ֆիլմում. այս մասին հայտնում է Deadline-ը: Ռեժիսորը աշխարհահռչակ Մարտին Սկորսեզեն է, ով դերասանի հետ համատեղ աշխատել է 5 ֆիլմերում:

Այն հիմնված է իրական պատմության վրա: Ենթադրվում է, որ Դի Կապրիոն մարմնավորելու է սերիական մարդասպան Հենրի Հոլմսին: Վերջինս Չիկագոյում հյուրանոցի սեփականատեր էր, ով 1893 թվականին սպանել է իր` տարբեր տվյալների համաձայն 50-200 այցելուներին:

1894 թվականին նա կալանավորվել է, իսկ երկու տարի անց կախաղան բարձրացվել: Մինչ մահապատիժը նա խոստովանել է միայն 27 մարդու սպանությունը: