Էրդողանն է համացանց գցել ընդդիմադիր կուսակցության նախկին նախագահի «սեքս» տեսագրությունը

Երեկ համացանցում հայտնվել է Թուրքիայի վարչապետ Էրդողանի և նրա որդու` Բիլալի զրույցի մի նոր ձայնագրություն, որը դարձյալ մեծ սկանդալ է առաջացրել:

Ըստ Samanyoluhaber-ի՝ Twitter-ի միջոցով DLMKHack ծածկանունով օգտատերը տեղադրել է ձայնագրություն, որում Էրդողանն ու Բիլալը խոսում են ընդդիմադիր Ժողովրդա-հանրապետական կուսակցության` այդ ժամանակվա նախագահ Դենիզ Բայքալի «սեքս ձայներիզի» մասին, որի պատճառով վերջինս ստիպված հրաժարական էր տվել:

Ձայնագրությունում Էրդողանը պնդում է, որ այն հարկավոր է տեղադրել համացանցում, քանի որ մեծ արձագանքի կարժանանա:

Դենիզ Բայքալն անտարբեր չի անցել Էրդողանի այս ձայնագրության նկատմամբ և պահանջել է շտապ բացատրություն տալ:

Ակնհայտ է, որ Էրդողանը ընտրությունների նախօրեին ամեն կերպ փորձում է հարված հասցնել իր մրցակիցներին՝ ընտրություններում առաջին տեղն ապահովելու համար: