Բռնցքամարտ. Նարեկ Մանասյանը` Կորոտկովի հուշամրցաշարի հաղթող

Ռուսաստանի Խաբարովսկ քաղաքում ավարտվել է բռնցքամարտի` Կոնստանտին Կորոտկովի անվան միջազգային հուշամրցաշարը, որտեղ Հայաստանը ներկայացնող 91 կգ քաշային Նարեկ Մանասյանը եզրափակչում առավելության է հասել Ռուսաստանի ներկայացուցչի նկատմամբ եւ նվաճել է ոսկե մեդալ:
Հարկ է նշել, որ հայ մարզիկը նախկինում տարբեր մրցաշարերում 2 անգամ հանդիպել էր ռուս մրցակցին եւ պարտություն էր կրել, սակայն այս անգամ Նարեկը կարողացավ առավելության հասնել: 
Հայաստանի մյուս ներկայացուցիչները` 60 կգ քաշային Կարեն Տոնականյանը, 69 կգ քաշային Գոռ Երիցյանը, 81 կգ քաշայիններ Արսեն Հայրապետյանն ու Արման Հովիկյանը մեդալ չեն նվաճել: Հայտնում է ՀԲՖ մամուլի ծառայությունը: 
Հավելենք, որ մրցաշարին մասնակցում էին 21 երկրի ներկայացուցիչներ: