Մարզեր էլ կգնանք, հանդիպումներ էլ կունենանք. ԲՀԿ շտաբները վերաբացվում են

ԱԺ ԲՀԿ խմբակցության պատգամավոր Ստեփան Մարգարյանն այսօր լրագրողների հետ զրույցում, խոսելով ոչ իշխանական չորս ուժերի համագործակցության նպատակների մասին, նշեց. «Մենք ակցիա չենք անում, մենք իսկապես առաջարկում ենք փոփոխություն: Մենք կապացուցենք, որ այլ ելք չկա, հարցը մտցնելու ենք օրակարգ առաջիկայում: Մինչ այդ հանրությանը կներկայացնենք հիմքերը, թե ինչպիսի կառավարություն ենք ուզում ձևավորել»:

Ստեփան Մարգարյանի խոսքով՝ ԲՀԿ-ն ուզում է տեսնել այնպիսի կառավարություն, որը համապատասխանում է այն չափորոշիչներին, որոնք իրենք պետք է ներկայացնեն, իսկ թե ո՞վ է ղեկավարելու այդ նոր կառավարությունը, քննարկելու հարց է:

Պատասխանելով Yerkir.am-ի հարցին` ինչո՞վ է պայմանավորված ԲՀԿ շտաբների վերաբացումն ու ակտիվացումը, Ստեփան Մարգարյանը նշեց, որ այդ որոշումն ընդունվել է  ԲՀԿ  վերջին համագումարի ժամանակ: «Մենք պետք է ավելի շատ լինենք ժողովրդի մեջ ու հետադարձ կապով ստանանք ժողովրդի արձագանքը: Մենք մարզեր էլ կգնանք, հանդիպումներ էլ կանենք»,- ասաց պատգամավորը: