«Շիրակ»-«Պերսեպոլիս» հանդիպումը հետաձգվել է

Հայաստանի գործող չեմպիոն Գյումրիի «Շիրակ»-ը Մարտի 19-ին պատրաստվում էր Երևանում ընկերական խաղ անցկացնել իրանական «Պերսեպոլիս»-ի հետ: Այս խաղի հետ կապված «Շիրակ»-ի պաշտոնական էջը տարածել է հայտարարություն, որում նշվում է.

«Շիրակ»-ը մարտի 19-ին պատրաստվում էր ընկերական հանդիպում անցկացնել իրանական «Պերսեպոլիս»-ի հետ, սակայն այդ հանդիպումը հետաձգվում է:

 Այսօր պարզ դարձավ, որ իրանական ակումբին չի հաջողվում ինքնաթիռի տոմսեր ձեռք բերել, քանի որ մարտ ամսին մեծ է իրանցիների հոսքը Հայաստան՝ կապված Նավրուզ Բայրամի հետ: Երևան ժամանող բոլոր թռիչքները վաղուց արդեն պատվիրված էին: 

«Շիրակ» ֆուտբոլային ակումբը տեղեկացնում է, որ «Պերոսպոլիս»-ի հետ հանդիպումը թե Հայաստանում, և թե Իրանում կկայանա այս տարվա ամռանը: 

Մենք հայցում ենք բոլոր երկրպագուների ներողամտությունը: