Ադրբեջանի, Վրաստանի և Թուրքիայի արտգործնախարարների եռակողմ հանդիպումը հետաձգվել է

Ադրբեջանի, Վրաստանի եւ Թուրքիայի արտգործնախարարների եռակողմ հանդիպումը, որը նախատեսված էր փետրվարի 19-ին Բաքվում, հետաձգվել է։ Հինգշաբթի, ըստ Trend գործակալության, այս մասին հաղորդվել է Ադրբեջանի արտգործնախարարության մամուլի ծառայության ղեկավար Լեյլա Աբդուլաևայի թվիթերյան էջում:

Ավելի վաղ հաղորդվել էր, որ 2021 թվականի փետրվարի 18-ին նախատեսվում է Թուրքիայի արտգործնախարար Մևլյութ Չավուշօղլուի, իսկ փետրվարի 19-ին՝ Վրաստանի արտգործնախարար Դավիթ Զալքալիանիի պաշտոնական այցը Ադրբեջան:

Փետրվարի 19-ին, Ադրբեջանի արտգործնախարար Ջեյհուն Բայրամովի, Վրաստանի փոխվարչապետ, արտաքին գործերի նախարար Դավիթ Զալկալիանիի և Թուրքիայի արտգործնախարար Մևլյութ Չավուշօղլուի մասնակցությամբ, պետք է տեղի ունենար իններորդ եռակողմ հանդիպումը:

Թեև պատճառ չի նշվել, սակայն ակնհայտ է, որ պատճառը Վրաստանի վարչապետի հրաժարականն է, որի մասնակցությունը նույնպես նախատեսվում էր։