«Անմարդկային» Մարգարիտ

Ազգային ժողովում գազի խնդիրներով ստեղծվելիք հանձնաժողովի նիստերը իշխանություններն առաջարկում են անցկացնել փակ ռեժիմով՝ առանց լրատվամիջոցների ներկայության:

Իշխանական այս դիրքորոշմանը, բնականաբար, կողմ է ԱԺ պատգամավոր, նախկին լրագրող Մարգարիտ Եսայանը (տիկինն, ի դեպ, անվերապահ կողմ է իշխանական բոլոր դիրքորոշումներին, ինչը չէիր ասի, օրինակ, երկու տարի առաջ):

Վերադառնանք գազի հանձնաժողովի խնդրին: Ուրեմն` Մ. Եսայանը նույնպես առաջարկում է այդ հանձնաժողովի նիստերը փակ անցկացնել: Ըստ նրա՝ եթե գազի խնդիրներով զբաղվող հանձնաժողովը բաց նիստեր անի, ապա «լուրջ մտահոգություն ունի, որ կդառնա «գազը բաց թողնող» հանձնաժողով»: Ումից՝ ումից, բայց հումանիզմի առումով անգերազանցելի ՀՀԿ-ից ու ՀՀԿ-ականից այսպիսի անմարդկային դիրքորոշում չէինք սպասում. բա որ հանձնաժողովը, գազն իր մեջ պահելով, գազը պարբերաբար բաց չթողնի ու ներսից տրաքի, ո՞վ է պատասխան տալու:

Լ.Ս.