Թուրք ազգայնամոլների նախագահը` Էրդողանի և կոռուպցիայի մասին

Ըստ aa-ի` Թուրքիայում ազգայնամոլների կուսակցության նախագահ Դեւլեթ Բահչելին կաշառակերության և կոռուպցիայի մասին մի շարք հայտարարություններ է արել:

Խոսելով դեկտեմբերի 17-ի դեպքերի մասին` Բահչելին ասել է. «Ով ուզում է լինի, պետք է կաշառակերության և կոռուպցիայի դեմ պայքարենք: Եթե վարչապետը կարողանար սա անել դեկտեմբերի 17-ին` ժողովրդի վստահությունը վաստակած անձնավորություն կլիներ: Դատախազները դատական գործեր էին հարուցել դեկտեմբերի 17-ի գործով ցուցակում տեղ գտած գործարարների, նախարարների որդիների և այլ անձանց դեմ: Վստահ չեմ կարող ասել, որ նրանք ներառվել են այդ գործողության մեջ, թե` ոչ, դատավարությունը ցույց կտա, սակայն, եթե Էրդողանը այդ պատասխանատվությունն իր վրա վերցներ, բոլորովին այլ Էրդողան կլիներ, բայց  դա չարեց»: