Պուտինը կրակի վրա բենզին է լցնում. թուրք ազգայնամոլների ղեկավար

Թուրքիայի «Ազգային շարժում» կուսակցության ղեկավար Դևլեթ Բահչելին «սկանդալային» է որակել ՌԴ նախագահ Վլադիմիր Պուտինի՝ Թուրքիայից «ներողություն» լսելու ակնկալիքն ու իր երկրի դեմ պատժամիջոցները:

Ըստ AA-ի՝ նշելով, որ Պուտինը «բենզին է լցնում կրակի վրա», և որ Թուրքիան իրավունք ունի պաշտպանելու իր օդային և ցամաքային սահմանները, ազգայնամոլների ղեկավարն ասել է. «Ռուսաստանը բացարձակապես անարդար է և չարակամ»:

Բահչելին հավելել է, որ Թուրքիա-ՌԴ հարաբերություններին պետք է դիվանագիտական լուծում տալ, «քանի դեռ դրանք ավելի անդառնալի դեպքերի պատճառ չեն դարձել»: «Տնտեսական եւ քաղաքական դաշտում աճող առճակատումները, անկանխելի զինվորական և դիվանագիտական անհամաձայնությունները երկու երկրներին էլ կվնասեն»,- ասել է նա: