Կառավարության շնորհիվ կարագանա Սևանա լճի ծերացումը

Գալուստ Նանյանը «Ֆեյսբուք»-ի իր էջում գրում է.

«Եվ այսպես`

Սեւանից բաց թողնված յուրաքանչյուր 12.5 մլն խմ ջուրը լճի մակարդակը իջեցում է 1սմ-ով: Իսկ լճերի բնական ծերացման ժամանակ լճի հատակը տարեկան բարձրանում է ընդամենը 1մմ- ով:

Այսպես` ՀՀ կառավարությունը յուրաքանչյուր տարի Սեւանա լիճը կիջեցնի 19,2 սմ-ով, որի արդյունքում եւ ավելի կարագանա լճի ծերացումը` տարեկան 19 մմ-ով…

Ի դեպ, նման հաշվարկներ ժամանակին կատարել է նաեւ ՀՀ ԳԱԱ Հիդրոէկոլոգիայի եւ ձկնաբանության ինստիտուտը, սակայն զարմանալի է, թե ինչու է այդ նույն ինստիտուտն այսօր ԼՌՈւՄ (դե հասկանալի է - հեղ.)….

Ափսոս, ժամանակին կային մարդիկ, ովքեր պայքարում էին հանուն Սեւանի եւ նրա փրկության, որոնցից ես կառանձնացնեմ ՀՀ ԳԱԱ հիդրոէկոլոգիայի եւ ձկնաբանության ինստիտուտի տնօրեն լուսահոգի Ռաֆայել Հովհաննիսյանին…»: