Դեռ 50 տարի քաշելիք ունենք ...

ՀՀԿ փոխնախագահ, ԱԺ ՀՀԿ խմբակցության ղեկավար Գալուստ Սահակյանը «Ժողովուրդ»-ի հետ զրույցում իշխանական մեծ գաղտնիք է բացահայտել: Նա հայտնել է, թե երբ է ՀՀԿ-ն պատրաստվում հեռանալ իշխանությունից: «Երբ լուծվի Արցախի խնդիրը, երբ Հայաստանը զարգացման հունի մեջ մտնի ու սկսի զարգանալ, այդ ժամանակ էլ ՀՀԿ-ն կհեռանա իշխանությունից»,- բացատրել է Գրիգորիչը:

«Ժողովուրդ»-ը հետաքրքրվել է, թե երբ կգա այդ օրը: Ըստ Գալուստ Սահակյանի՝ «մի 50 տարի էլ սպասե՛ք...»:

«Այսպիսով՝ կարելի է արձանագրել, որ ՀՀԿ փոխնախագահը խոստովանել է, թե ինչու են ՀՀ իշխանությունները շարունակում երկիրը պահել թշվառ եւ ծանր վիճակում. որպեսզի իրենց մեթոդներով եւս 50 տարի իշխեն ժողովրդին»,- եզրակացնում է թերթը: