ՏԵՍԱՆՅՈՒԹ. Մեր նահատակներին պարտք ունենք վերադարձնելու, հայրենիք ունենք վերականգնելու. Բագրատ սրբազան

«Մոսկվա» կինոթատրոնում երեկ երեկոյան տեղի ունեցավ  ՀՅԴ մարտիկ, 2020 թ. Արցախյան ազատամարտի նահատակ, ավագ լեյտենանտ Հակոբ Ռոստոմյանին  նվիրված` ռեժիսոր Սամվել Թադեւոսյանի «ՌՈՍՏ» ֆիլմի պրեմիերան։ Ֆիլմը համալրում է «Խոնարհ հերոսներ» ֆիլմաշարը՝ 30-րդ ֆիլմն է:

Ֆիլմի պրեմիերային ելույթ ունեցավ  Տավուշի թեմի առաջնորդ Գերաշնորհ տեր Բագրատ եպիսկոպոս Գալստանյանը։ Սրբազանը, մինչ խոսքն ասելը, զոհված տղաների հոգու խաղաղության աղոթք արեց, ապա, մեջբերելով Վահան Տերյանի խոսքերը, շեշտեց՝ որպես փյունիկ կրակից, մենք նորից վեր ենք հառնելու այն մտածումով, ապրումով, զգացումով, որ մեր բոլոր նահատակներին պարտք ունենք վերադարձնելու եւ հայրենիք ունենք վերականգնելու:

«Այս բոլորի դիմաց ուրիշ արժեք, մտածում, միջոց, այլ տարբերակներ գոյություն չունեն մեր կյանքում: Եթե խոսում ենք այս պահին մեր սիրելի հերոսի եւ մեր բոլոր նահատակ զավակների մասին, ապա մեկ երդում եւ ուխտ ունենք իրենց առջեւ՝ հայրենիք վերականգնելու ուխտը:  Ինքնախաբեությամբ պետք չէ զբաղվել, մեր քնելը եւ արթնանալը պետք է լինի մեր տունը վերականգնելը: Մեր տղաներն իրենց կյանքի գնով վկայել են այդ ճշմարտության մասին»,-շեշտեց Բագրատ սրբազանը:

Մանրամասն՝ տեսանյութում

Լ.Ս.

Տե՛ս նաեւ

ՈւՂԻՂ. Տեղի է ունենում ՀՅԴ մարտիկ, 2020 թ․ Արցախյան ազատամարտի նահատակ, ավագ լեյտենանտ ՀԱԿՈԲ ՌՈՍՏՈՄՅԱՆԻՆ նվիրված «ՌՈՍՏ» ֆիլմի պրեմիերան

ՏԵՍԱՆՅՈՒԹ. Մենք պետք է պատերազմի բոլոր հերոսներին փառաբանենք. «Խոնարհ հերոսներ» ֆիլմաշարի ռեժիսոր 

ՏԵՍԱՆՅՈՒԹ. Հուզմունքս շատ մեծ է, վերապրել եմ նույն զգացումները. զոհված հերոսի հայրը՝ որդուն նվիրված ֆիլմի մասին

ՏԵՍԱՆՅՈՒԹ. Ռոստը քաջարի մարդու տեսակ էր, որը մեծացել էր հայրենատեր կուսակիցների մեջ. Սրապիոնյան