Լապշինը պատմել է ադրբեջանական բանտում անցկացրած ամենավատ օրվա մասին

Ադրբեջանից Իսրայել վերադարձած բլոգեր Ալեքսանդր Լապշինը հերթական գրառումն է արել իր ֆեյսբուքյան էջում,որը վերնագրել է «Ադրբեջանի բանտում անցկացրած ամենասարսափելի օրը»:

«Եթե մի կողմում թողնենք 2017-ի սեպտեմբերի 9-10-ը տեղի ունեցած դեպքերը, երբ ինձ ծեծեցին և հորինեցին ինքնասպանության մասին լուրեը (որպեսզի ներման համար ձևական առիթ ունենան, որ ձևացնեն, թե շատ բարեգութ են), ապա ինձ համար զզվելի էր և վախենալու 2017-ի ապրիլի 3-ը»,- գրել է նա:

Լապշինը պատմում է, որ այդ օրը տեսել է`ինչպես են բանտում ուրախանում այն բանի համար, որ Սանկտ Պետերբուրգի մետրոյում ահաբեկչություն էր տեղի ունեցել, որը 16 անմեղ մարդու կյանք էր խլել: 

Բլորգերն ասում է, որ Ադրբեջանի բանտերը լի են ծայրահեղական իսլամականներով, թեև Բաքվի իշխանությունները հերքում են երկրում շիա ծայրահեղական իսլամի ազդեցության աճը: