ՀՀ-ում կա շուրջ 300 դպրոց, որոնց աշակերտների թիվը չի անցնում 100-ից

Աղվերանում մեկնարկեց ՀՀ ԿԳ նախարարության կազմակերպած «Թափանցիկությունը եւ հաշվետվողականությունը` ՀՀ ԿԳՆ գործունեության կարեւոր սկզբունքներ» թեմայով երկօրյա սեմինարը:

ՀՀ ԿԳ նախարար Արմեն Աշոտյանը նշեց, որ նախարարությունը փորձում է առավելագույնս բաց եւ թափանցիկ լինել ԶԼՄ-ների եւ հասարակության համար:

Անդրադառնալով ԿԳ ոլորտում առկա խնդիրներին` նախարարը նշեց, որ ոլորտում թիվ մեկ խնդիրն աշակերտների թիվն է, քանի որ այսօր ՀՀ-ում կա շուրջ 300 դպրոց, որոնց աշակերտների թիվը չի անցնում 100-ից:

«Մենք փորձում ենք ամեն կերպ զերծ մնալ դպրոցների փակումից, այսինքն` խոշորացումից, սակայն որոշ դեպքերում դա ուղղակի անխուսափելի է, քանի որ կան դպրոցներ, որտեղ կրթությանը որակը հակադարձ համեմատական է դառնում ծախսերին: Դրա համար մենք փորձում ենք բացել նախակրթարաններ, ընդլայնել ՏՏ ոլորտը` վիրտուալ կրթության հնարավորությունն ավելացնել»,- ասաց Աշոտյանը: