Մայք Թայսոնը մի անգամ ցանկացել է ծեծել Բրեդ Փիթին

Հայտնի բռնցքամարտիկ Մայք Թայսոնն իր հուշերում, որոնք վաճառքի կհանվեն նոյեմբերի 12-ին, պատմում է, որ մի օր քիչ է մնացել ծեծի Բրեդ Փիթին: Ըստ նրա՝ դա տեղի է ունեցել 20 տարի առաջ. հայտնում է Комсомольская правда-ն։

Նախորդ դարի 80-ական թվականներին Բրեդ Փիթը, այն ժամանակ դեռևս ոչ այդքան հայտնի դերասան, հանդիպել է Թայսոնի կնոջ՝ Ռոբին Գիվենսի հետ: Ամուսինները դեռ չէին ամուսնալուծվել, սակայն առանձին էին ապրում:

«Դուք պետք է միայն տեսնեիք նրա դեմքը։ Նա այնպիսի տեսք ուներ, կարծես հրաժեշտ է տալիս կյանքին»,- իր գրքում գրում է Թայսոնը։ Նա պնդում է, որ Փիթն այդ ժամանակ շատ է վախեցել և նույնիսկ աղաչել իրեն չծեծել։