Քոչարյանի` գրեթե սենսացիոն հայտարարությունը

Օրերս Լեհաստանի ԱԳՆ-ն իր պաշտոնական կայքում տեղեկություն էր հրապարակել, որ ՀՀ ԱԳ նախարար Էդվարդ Նալբանդյանը Վարշավայում հայտարարել է, որ մենք Ռուսաստանի շահերի դեմ դուրս գալ չենք կարող: Ուշագրավ է, որ այս տեղեկատվությունը ՀՀ ԱԳՆ մամլո խոսնակ Տիգրան Բալայանը հերքել էր:

Այսօր կառավարության առջև մի քանի լրագրողներ ԱԳՆ փոխնախարար Շավարշ Քոչարյանից փորձեցին պարզել, թե, ի վերջո, Նալբանդյանը նման հայտարարություն արե՞լ է, թե՞ ոչ: Քոչարյանի պատասխանը գրեթե սենսացիոն էր: «Չեմ կարծում, որ որևէ մեկը կողմ է, որ մենք Ռուսաստանի դեմ դուրս գանք»,- քմծիծաղով վստահ ասաց նա: 

Yerkir.am-ի հարցը` իսկ մե՞ր շահերը, Քոչարյանն անպատասխան թողեց: