2 միլիոն դոլար` սուրճի համար

Sunlight հիմնադրամը ABC news-ի խնդրանքով հաշվարկել է ԱՄՆ Սենատի ծախսերը: Արդյունքները ապշեցուցիչ են: Պարզվում է` Սենատը տարեկան 2 միլիոն դոլար է ծախսում միայն սուրճի եւ թխվածքի վրա:

Հիմնադրամը տեղեկացնում է, որ Կոնգրեսն այդքան գումար է ծախսում տարեկան` իր աշխատակիցներին զվարճացնելու համար:

Կոնգրեսի ծախսերի  ամենամեծ մասը Հանրապետականներինն է` Քեւին Մըքարթիի գլխավորությամբ: Վերջինս իր հանդիպումների ժամանակ օգտագործում է մրգեր, դոնաթներ, կրուասաններ եւ սուրճ: Մըքարթին 2012 թվականին ծախսել է 95 հազար ԱՄՆ դոլար` գումարած 4 հազար դոլար` ջրի համար:

Դեմոկրատների ղեկավար Նենսի Փելոսին ծախսել է 61 հազար ԱՄՆ դոլար: