Մեծ Բրիտանիայի մահմեդականները դատապարտում են զինծառայողի սպանությունը

Լոնդոնում զինծառայող սպանած իսլամականները վիրավորել են Ալլահին, անարգել հավատքը. հայտարարել է Մեծ Բրիտանիայի մահմեդականների խորհրդի ղեկավար Ֆարուխ Մուրադը:

«Ծայրահեղականները տեղ չունեն մզկիթներում: Ոմանք կարող են մտածել, թե կատարվածը կապված է արտաքին քաղաքականության հետ, սակայն ոչինչ եւ ոչ մի բան չի կարող արդարացնել նման արարքը»,- հայտարարել է նա` այսօր հանդես գալով հատուկ հայտարարությամբ. տեղեկացնում է РИА Новости-ն:

Հիշեցնենք, որ երեկ երկու իսլամականներ Լոնդոնի Վուլիչ թաղամասում գլխատել են բրիտանացի զինծառայողի: Միջադեպը համարվել է ահաբեկչություն, հանցագործները` նիգերիացիներ, ձերբակալված են: Այդ հարձակումը ազգայնականների բողոքի մեծ ալիք է բարձրացրել Լոնդոնում: