Ցորենի արտում գտել են կորած քաղաքացու դին

Մայիսի 20-ին` ժամը 19.16-ին, ահազանգ է ստացվել, որ Արարատի մարզի Մասիս գյուղի բնակչուհի՝ 1929 թ. ծնված Օֆիկ Ավոյանը սույն թվականի մայիսի 19-ի` ժամը 23.00-ի սահմաններում դուրս է եկել տանից և չի վերադարձել. անհրաժեշտ է օգնություն:

Դեպքի վայր է մեկնել հրշեջ-փրկարարական ջոկատի օպերատիվ խումբը (7 հրշեջ - փրկարար):Որոնողա-փրկարարական աշխատանքները իրականացվել են Մասիս և Բուրաստան գյուղերի մոտակայքում:

Ժամը 22.29-ին անբարենպաստ եղանակի պատճառով որոնողա-փրկարարական աշխատանքները դադարեցվել են և վերսկսվել են մայիսի 21-ին` ժամը 08.00-ին: 

Ժամը 12.10-ին տեղեկություն է ստացվել, որ Արտաշատ-Երևան ավտոճանապարհի 8-րդ կմ-ին հարակից ցորենի արտում հայտնաբերվել է Օֆիկ Ավոյանի դին: