Օբաման քաղաքական նվեր է մատուցել Անկարային. Հայ Դատի հանձնախումբ

ԱՄՆ նախագահ Բարաք Օբամայի վարչակազմը ԱՄՆ Գերագույն դատարանին կոչ է արել չքննարկել 9-րդ շրջանային վերաքննիչ դատարանի` 2012-ին ընդունած որոշումը Հայոց ցեղասպանության զոհերի ժառանգներին փոխհատուցում տրամադրելու վաղեմության ժամկետը երկրարացնող կալիֆոռնիական օրենքի վերացման մասին:

ՀՅԴ Ամերիկայի Հայ Դատի հանձնախմբի գործադիր տնօրեն Արամ Համբարյանը հանդես է եկել հայտարարությամբ, որում, մասնավորապես, ասվում է. «Նախագահ Օբաման այդ գործի կապակցությամբ կարճ դիրքորոշում հայտնելու փոխարեն որոշել է Թուրքիայի վարչապետ Էրդողանի` Վաշինգտոնի այցի նախօրեին Անկարային քաղաքական նվեր մատուցել` խորացնելով իր վարչակազմի մասնակցությունը Հայոց ցեղասխանության ժխտման գործին,  նաեւ խոչընդոտելով դատարանների միջոցով վնասը փոխհատուցելու ցանկություն ունեցող ԱՄՆ քաղաքացիների համար արդարադատության իրականացմանը»: