Ընտրախախտումների գլխավոր հերոսներն են ՕԵԿ-ը, ՀՀԿ-ն և ԲՀԿ-ն

Ընտրախախտումները եղել են և' իշխանության, և' ընդդիմության կողմից. այսօր լրագրողների հետ հանդիպման ժամանակ հայտարարեց «Ընտրական համակարգեր կենտրոն» ՀԿ-ի տնօրեն Վահրամ Վարդանյանը:

Ըստ նրա` մի շարք ընտրատարածքներում հաշմանդամների համար համապատասխան պայմաններ չեն եղել, գրացվել են կուտակումներ, որոնք լարվածություն են ստեղծել, նաև արձանագրվել է մի դեպք, երբ քաղաքացին փորձել է 2 քվեաթերթիկ գցել քվեատուփ, բայց, երբ հանձնաժողովի անդամները նկատել են դա, փախուստի է դիմել:

«Խախտումներ հիմնականում գրանցվել են ՕԵԿ-ի, ՀՀԿ-ի և ԲՀԿ-ի կողմից», - ընդգծեց Վարդանյանը և ավելացրեց, որ Էրեբունիի և Շենգավիթի ընտրատեղամասերում «Բարև Երևան» դաշինքի կողմից ընդհանրապես խախտումներ չի նկատվել: