˝Կոտրված եղունգներ˝-ով էլ ամփոփվեց ˝Արմմոնո 2013-ը˝

Երեկ Հովհաննես Թումանյանի անվան տիկնիկային թատրոնում լեհ բեմադրիչ Աննա Սկուբիկի «Կոտրված եղունգներ» ներկայացմամբ էլ ազդարարվեց «Արմմոնո» միջազգային թատերական 11-րդ փառատոնի փակումը:

«Ներկայացումը պատկեր է` նվիրված սիրուն եւ գեղեցկությանը, գնին, որը վճարվում է փառքի հետ դաշինք կնքելու արդյունքում»,-ասում է Աննա Սկուբիկը:

Փառատոնի շրջանակներում ցուցադրվել է 22 ներկայացում` Գերմանիայից, Ռուսաստանից, Լեհաստանից, Լիտվայից, Վրաստանից եւ Հայաստանից: Փակման արարողությանը բոլոր մասնակիցները ստացան պատվոգրեր եւ խորհրդանշական հուշանվերներ:

Այս տարի «Արմմոնո»-ն ունի «հավելված». այսօր փառատոնի շրջանակներում Հայաստանի թատերական գործիչների միությունում կցուցադրվի 4 ներկայացում` «Արմմոնո-դեբյուտ» ծրագրի շրջանակներում: