Like-երով կարելի է ստանալ մարդու հոգեբանական պատկերը

Սոցիալական ցանցերում դրված like-երը հնարավորություն են տալիս կազմել պրոֆիլի տիրոջ հոգեբանական պատկերը: Նման եզրակացության են հանգել բրիտանացի գիտնականները. տեղեկացնում է ИТАР-ТАСС-ը:

Ըստ նրանց` like-երը շատ բան են պատմում մարդու նախասիրությունների, մտավոր կարողությունների, քաղաքական հայացքների մասին, եւ սոցիոլոգները, շուկայաբանները, քաղտեխնոլոգները մեծ ու անգնահատելի նյութ են քաղում` գովազդային ու քաղաքական արշավների կազմակերպման համար:

Իսկ հոգեբանները, ուսումնասիրելով ակտիվ օգտատերերի էջերը, կարող են որոշել մարդու մտավոր մակարդակը, սեռական կողմնորոշումը, հոգեբանական տիպը եւ այլ կարեւոր անձնական բնութագրեր: