Սփյուռքը պահանջում է նոր ընտրություններ

Ազատության հրապարակում սկսվել է «Ժառանգություն» կուսակցության առաջնորդ Րաֆֆի Հովհաննիսյանի հանրահավաքը: Առաջինը ելույթ ունեցավ  «Ժառանգության» կուսակցության փոխնախագահ Արմեն Մարտիրոսյանը և խնդրեց ժողովրդին չբարձրանալ հրապարակի արձանների պատվանդաններին:

«Իշխանություններն արդեն հուշարձանների պատվանդաններին են հղում կատարում, որովհետև չգիտեն` ինչ անել: Հարգելի ժողովուրդ, իջեք այդ պատվանդաններից, հարգենք ոստիկանների պահանջը»,- ասաց նա:

Իր խոսքում Մարտիրոսյանն ասաց, որ այժմ հանրահավաք է անցկացվում նաև Արտաշատում ու Կապանում: Երկու օր առաջ էլ մեծ հանրահավաքներ են եղել Լոս Անջելեսում, Փարիզում:

«Սփյուռքի հայությունը մեզ հետ է և պահանջում է նոր ընտրություններ»,- ասաց Արմեն Մարտիրոսյանը` նշելով, որ իր ձեռքում են Սփյուռքի այն ՀԿ-ների բողոք-նամակները, որոնք ուղղված են կեղծ ընտրությունների արդյունքների դեմ: