Վարչապետը չի՞ փոխվի

ԱԺ նախագահ Հովիկ Աբրահամյանն այսօր լրագրողների հետ զրույցում հայտարարեց, որ փոփոխություններ կլինեն բոլոր ոլորտներում, այդ թվում` կառավարությունում, «բայց դա չի նշանակում, որ լինելու է վարչապետի փոփոխություն»:
«Որեւէ նման հարց չի քննարկել»,- հայտարարեց նա:

Անդրադառնալով իր եւ Սերժ Սարգսյանի հանդիպմանը` ԱԺ նախագահը նշեց, որ այդ հանդիպման ժամանակ քննարկվել են ԱԺ-ին վերաբերող հարցեր, այլ ոչ թե ապագա կառավարության կազմը:

«Մենք դեռ խնդիրներ ունենք, առջեւում Երեւանի քաղաքապետի ընտրություններ են: Մարտի 3-ից սկսվում են առաջադրումները, մենք պետք է սկսենք զբաղվել արդեն, ցանկ պետք է կազմենք»,- հայտարարեց ԱԺ նախագահը:

Խոսելով իր եւ Կարեն Կարապետյանի հանդիպման մասին` նա հայտարարեց, որ իրենք շատ ջերմ հարաբերությունների մեջ են եւ որեւէ քաղաքական հարց չեն քննարկել: