Իսկ Հովիկ Աբրահամյանն ուզո՞ւմ է, որ վարչապետը փոխվի

ՀՀԿ ԳՄ այսօրվա նիստի ավարտից հետո ԱԺ նախագահ, ՀՀԿ շտաբի պետ Հովիկ Աբրահամյանը, պատասխանելով Yerkir.am-ի հարցին, վստահեցրեց, որ կադրային հարցեր այսօրվա նիստում չեն քննարկվել: Ըստ Աբրահամյանի` չի քննարկվել նաեւ վարչապետի փոփոխության հարցը:

Մեր այն հարցին էլ ի պատասխան, թե ցանկանո՞ւմ է դառնալ վարչապետ, ԱԺ նախագահը հիշեցրեց, որ այդ հարցին մի քանի անգամ պատասխանել է: Դիտարկմանը, թե այդ հարցը դեռ արդիական է, Աբրահամյանը, բառերը վանկարկելով, արձագանքեց. «Ես նման ցանկություն չու-նեմ»:

- Իսկ Դուք ուզո՞ւմ եք, որ վարչապետը փոխվի,- հետաքրքրվեցինք Հովիկ Աբրահամյանից:

- Վարչապետը նորմալ աշխատում է, իսկ դա միայն իմ որոշելով չէ, կուսակցությունում կքննարկենք եւ ապագայում որոշում կկայացնենք, մի' շտապեք,- ի պատասխան հայտարարեց Աբրահամյանը: