Օգնականները փորձում են ճշտել, թե ով է տեղեկացրել ԱԺ-ի ծեծկռտուքի մասին

Շաբաթ օրը «Ժողովուրդ»-ը գրել էր, որ ԱԺ պաշտպանության, ազգային անվտանգության եւ ներքին գործերի մշտական հանձնաժողովի նիստի ժամանակ դահլիճում նստելու տեղի համար վիճաբանություն է սկսվել հանձնաժողովի նախագահ Կորյուն Նահապետյանի եւ ԱԺ ՀՀԿ խմբակցության պատգամավոր, պաշտոնաթող գեներալ Մանվել Գրիգորյանի օգնականների միջեւ:

Վիճաբանությունը տեղափոխվել է ԱԺ միջանցք, որտեղ վերածվել է քաշքշոցի, ծեծկռտուքի: Եվ ահա երեկ, նշում է թերթը, ԱԺ կուլիսներում ակտիվորեն քննարկվել է իրենց հրապարակումը: «Աքլորացած» օգնականները փորձել են պարզել, թե ով է եղել «Ժողովուրդ»-ի տեղեկատվության աղբյուրը:

«Ժողովուրդ»-ը հրապարակավ տեղեկացնում է, որ թերթի թղթակիցն անձամբ է ականատես եղել այս խայտառակությանը: Ավելին, նշում է թերթը, միջադեպն այնպիսի աղմուկ-աղաղակով է եղել, որ ոչ ոքի աչքից չի վրիպել: