Թրամփի օգնականները Մեծ Բրիտանիայի վարչապետին «շփոթել» են պոռնոաստղի հետ

Միացյալ Նահանգների նախագահ Դոնալդ Թրամփի աշխատակազմի ներկայացուցիչները գրավոր վիրպակ են թույլ տվել՝ Սպիտակ տան մամուլի հաղորդագրություններում սխալ գրելով Մեծ Բրիտանիայի վարչապետ Թերեզա Մեյի անունը: 

Բրիտանական պարբերականը մանրամասնում է, որ վարչապետի անունն առանց 2-րդ տառը գրելու դեպքում, ստացվում է Միացյալ Թագավորությունում լայն ճանաչում ունեցող պոռնոաստղի՝ Թերեզա Մեյի անունը, որը գրվում է առանաց «h»-ի (Teresa May):

Ինչպես ավելի վաղ հայտնել էր Tert.am-ը, ԱՄՆ նախագահ Դոնալդ Թրամփը Սպիտակ տանը հյուրընկալել է Մեծ Բրիտանիայի վարչապետ Թերեզա Մեյին, որի հետ քննարկվել են Վաշինգտոնի և Լոնդոնի միջև քաղաքական, առևտրա-տնտեսական և մի շարք այլ կարևոր թեմաներին առնչվող հարցեր: Թերեզա Մեյն առաջին օտարերկրյա առաջնորդն է, ում Թրամփը հանդիպել է երդմնակալության արարողությունից հետո:

Հայտնի է նաև, որ այս տարի Թրամփն ու նրա կինը թագուհի Էլիզաբեթ 2-րդի հրավերով կմեկնեն Միացյալ Թագավորություն ու կհանդիպեն միապետին: