Ըմբշամարտի` օլիմպիական խաղերից դուրս մնալու որոշումը վերջնական չէ

Միջազգայի օլիմպիական կոմիտեի նախագահ Ժակ Ռոգեն վստահեցնում է, որ ըմբշամարտօ` 2020-ի օլիմպիական խաղերից դուրս թողնելու որոշումը վերջնական չէ:

«Նախնական քվեարկությունը չի կարող հիմք ծառայել ըմբշամարտ մարզաձեւը օլիմպիական խաղերից դուրս թողնելու համար: Մենք պայմանավորվել ենք Մարտինետիի հետ հանդիպել առաջին իսկ հնարավորության դեպքում: Ինձ դուր եկավ նրա խոստումը, ըստ որի` նրանք պատրաստվում են ըմբշամարտը հարմարեցնել մեր պահանջներին: Այս մարզաձեւը կլինի 2016թ. Ռիոյի խաղերում: Շատ երկրների ֆեդերացիաներ հիմա աշխատում եմ, որպեսզի ըմբշամարտն ընդգրկվի նաեւ 2020թ. օլիմպիական խաղերի ծրագրում»,- ասել է Ռոգեն:

Հիշեցնենք, որ ըմբշամարտը հայտնվել էր 2020-ի օլիմպիական խաղերի ծրագրից դուրս մնացող մարզաձևերի ցուցակում: