Հայրիկյանին հիվանդանոց չեն ընդունել. ՛՛Հրապարակ՛՛

Ըստ «Հրապարակ»-ի աղբյուրների' Հայրիկյանի դեմ մահափորձից անմիջապես հետո դեպքի վայր ժամանած շտապօգնությունը նախ դիմել է 1-ին հիվանդանոցին՝ առանց տեղեկացնելու, թե ում մասին է խոսքը, ասել, որ հրազենով վիրավոր են բերում, սակայն պատասխանել են, որ տեղ չունեն, Հայրիկյանին տարել են «Գրիգոր Լուսավորիչ»:

«Շտապօգնություն» ՓԲԸ-ի տնօրեն Թագուհի Ստեփանյանը թերթի հետ զրույցում ասել է, որ նման դեպքերում հրազենով վիրավորվածին պետք է տանել այնպիսի հիվանդանոց, որը բազմապրոֆիլ է եւ կարող է բազմակողմանի հետազոտություն ու բուժում իրականացնել. այդպիսիք Երեւանում «Գրիգոր Լուսավորիչ», «Էրեբունի» եւ «Արմենիա» հիվանդանոցներն են:

1-ին, 2-րդ եւ 3-րդ հիվանդանոցները, որոնք տարածքի առումով մոտ են, չունեն այն տեխնիկական հագեցվածությունը, կրծքային վիրաբուժության բաժանմունքները, որ կան վերը նշված հիվանդանոցներում: Բացի այդ` մյուս հիվանդանոցները, ի տարբերություն վերը նշվածների, սահմանափակ թվով հիվանդներ կարող են ընդունել: