Գագիկ Բեգլարյանը կրկին ուզում է դառնալ Երեւանի քաղաքապետ

Օրերս մահացած ԱԺ նախկին պատգամավոր, Աջափնյակի նախկին թաղապետ Արծրուն Խաչատրյանի հոգեհանգստից հետո Գագիկ Բեգլարյանն ու Գագիկ Ծառուկյանը երկար զրուցել, ապա հեռացել են նույն ավտոմեքենայով. գրում է «Հրապարակը»:

Դիպվածը, ըստ թերթի, հետաքրքիր է ոչ միայն նրանով, որ նրանց հարաբերություններն ինչ-որ շրջան լարված էին, այլեւ, որ Բեգլարյանը, ըստ լուրերի, կրկին ուզում է դառնալ Երեւանի քաղաքապետ, եւ նրան այդ հարցում աջակցում են մեծ թվով քաղաքական դեմքեր, այդ թվում՝ խնամի Հովիկ Աբրահամյանը:

Թերթը հիշեցնում է, որ այս ընտրություններում լուսանցք մղված ԲՀԿ-ն պատրաստվում է Երեւանի ավագանու ընտրություններին մասնակցել եւ անգամ քաղաքապետի պաշտոնը նվաճել: