Թուրքերը հարձակվել են գերմանացի զինծառայողների վրա

Patriot հակահրթիռային պաշտպանության համակարգերն ուղեկցող գերմանացի զինծառայողներից 7-ը երեկ հարձակման են ենթարկվել մի խումբ ակտիվիստների կողմից, որոնք դեմ են Թուրքիայի տարածքում այդ հրթիռների տեղակայմանը. տեղեկացնում է Xinhua գործակալությունը:

Գերմանացիների վրա հարձակվել են, երբ նրանք գնում էին Իսկանդերունի կենտրոնական շուկաներից մեկը: Ականատեսների խոսքերով` հարձակվողները` Երիտասարդների թուրքական միության մոտ 26 ակտիվիստներ, փորձել են պարկեր հագցնել զինվորների գլխին, սակայն տեղի բնակիչները խոչընդոտել են նրանց եւ օգնել գերմանացիներին պատսպարվել ոսկերչական խանութում: Նրանք իրենց հյուրանոցն են վերադարձել ոստիկանների ուղեկցությամբ:

Մինչդեռ երիտասարդները շարունակել են տարերային բողոքի ակցիան: Նրանցից մեկը հայտարարել է, որ թույլ չեն տա, որ Թուրքիան դառնա Մերձավոր Արեւելքի վրա հարձակման կենտրոն: