Փոխարժեքներ
31 01 2025
|
||
---|---|---|
USD | ⚊ | $ 397.92 |
EUR | ⚊ | € 413.72 |
RUB | ⚊ | ₽ 4.0695 |
GBP | ⚊ | £ 494.5 |
GEL | ⚊ | ₾ 138.41 |
Նոր մանրամասներ են հրապարակվել օրեր առաջ Փարիզում իրականացված`Քրդական բանվորական կուսակցության երեք կին անդամների սպանության գործի առնչությամբ: Կասկածյալի վերարկուի վրա փորձաքննության արդյունքում հայտնաբերվել է սպանության ժամանակ օգտագործված հրացանի փամփուշտի հետքեր: Ֆրանսիայի ներքին գործերի նախարարության հաղորդագրության համաձայն` կասկածյալը կապեր է ունեցել ահաբեկչական ինչ-որ կազմակերպության հետ: Այլ մանրամասներ չեն հաղորդվում:
Հակասական տեղեկություններ են հրապարակվում կասկածյալի ազգության վերաբերյալ: Թուրքական լրատվամիջոցները, մատնանշելով նրա ծննդավայր Սըվազի նահանգը, նշում են, որ կասկածյալն ազգությամբ քուրդ է:
Գործի առնչությամբ նախապես ձերբակալվել էր երկու կասկածյալ: Երկրորդին ոստիկանությունն ազատ է արձակել: Դեռ այն ժամանակ նշվում էր, որ երկուսն էլ Թուրքիայի քաղաքացիներ են: Ֆրանսիական լրատվական որոշ աղբյուրներ էլ նշում են, որ կասկածյալը կարող է ազգությամբ քուրդ չլինել:
Քրդական լրատվամիջոցների, մասնավորապես` «Ֆիրաթի» հաղորդմամբ, ձերբակալվածը կարող է ՔԲԿ-ին ընդդիմադիր որեւէ խմբավորման անդամ լինել:
Հիշեցնենք, որ քուրդ կանանց, այդ թվում՝ Սաքինե Ջանսըզին, ով ՔԲԿ-ի համահիմնադիրներից էր, սպանել էին Փարիզում՝ կուսակցության տեղեկատվական կենտրոնում: