Շներին տիրություն արեք, որ չհաչեն

Մեր` հայաստանյան լրատվական կայքերից մեկը պարբերաբար «վերլուծական» հոդվածներ է տպագրում նախագահական ընտրապայքարում Դաշնակցության ռազմավարության մասին` շատ հաճախ քննադատելով ՀՅԴ-ին, թե կուսակցությունը չպաշտպանեց Գագիկ Ծառուկյանին եւ չմղեց նրան` նախագահի թեկնածու առաջադրվելու:

Վերջին` հերթական հրապարակման մեջ ուղղակի մեղադրանք էր ուղղված ՀՅԴ Բյուրոյի ներկայացուցիչ Հրանտ Մարգարյանին, ում դիմեցինք` մեկնաբանության խնդրանքով: Հրանտ Մարգարյանը հրաժարվեց ուղղակի պատասխանել, սակայն պատմեց մի պատմություն իր հարեւաններից մեկի մասին.

«Ուրեմն` մի հարեւան, որը շատ լավ անձնավորություն է, ունի բնավորության մի գիծ՝ անկանխատեսելի է, որը շատերի համար տարօրինակ է: Նա մի քանի շուն է խնամում, որոնց պարտաճանաչ հետեւում է, պարբերաբար կերակրում: Սակայն երբեմն-երբեմն նա մի քանի օրով բացակայում է ու անտեր թողնում շներին: Նրանք կեր չեն ունենում, հայտնվում են անտերության մեջ: Այդ պահերին շները` փոխարենը հաչեն իրենց տիրոջ վրա, սկսում են հաչել հարեւանների վրա»: