Արամ Սարգսյանը չի առաջադրվելու

«Հանրապետություն» կուսակցության 6-րդ համագումարում կուսակցության նախագահ Արամ Սարգսյանը հայտարարեց, որ չի առաջադրվելու առաջիկա նախագահական ընտրություններում:

Նա իր ելույթն, ըստ էության, բաժանել էր 2 մասի: Առաջինը նվիրված էր ներկայիս իշխանություններին: Նրանց և մեր իրականությունը նկարագրելուց հետո Սարգսյանը հայտարարեց, որ հենց այսպիսին է Հայաստանը, և վերջ:

Անդրադառնալով ընդդիմությանը, նա ասաց, որ ընդդիմությունը հաճախ ներքաշվոււմ է իշխանական ինտրիգների մեջ: Արամ Սարգսյանը հիշեցրեց` երբ դուրս էին գալիս ՀԱԿ-ից, Լևոն Տեր-Պետրոսյանն ասել էր, որ ժամանակը ցույց կտա, թե ով է ճիշտ: Ըստ նրա` Լևոն Տեր-պՊետրոսյանը ճիշտ դուրս եկավ: «ԲՀԿ-ն հրաժարվեց կոալիցիոն հուշագրից, ինչից, սակայն, ժողովուրդը չշահեց»,-նշեց Սարգսյանը:

Նա իր ելույթում հայտարարեց նաև, որ իրենք թեև կողմ են 100 տոկոսանոց համամասնական ընտրակարգին, բայց դեմ են կառավարման խոհրդարանական համակարգին: Դեմ են նաև հայ-թուրքական արձանագրությունները ԱԺ օրակարգից հանելուն, եվրասիական համագործակցությունը էլ համարում են վտանգավոր:

«Հանրապետության» նախագահը հայտարարեց, որ չի կարծում, թե այս ընտրությունները որակապես լավն են լինելու: