Չինաստանը եւ Ռուսաստանը` կիբերլրտեսության հիմնական հովանավորներ

Հինգշաբթի օրը ԱՄՆ հետախուզական ծառայությունը Կոնգրես  է ներկայացրել նոր զեկույց, որի համաձայն` Չինաստանը եւ Ռուսաստանը ավելի հաճախ են կիրառում կիբերլրտեսությունը այլ երկրներից առեւտրի եւ տեխնոլոգիաների վերաբերյալ տեղեկատվություն գողանալու համար. տեղեկացնում է The Epoch Times-ը:

Զեկույցում նշվում է, որ չինական եւ ռուսական հատուկ ծառայությունները դիմում են հաքերների օգնությանը` տվյալներ գողանալու համար, տվյալներ հավաքելիս թաքնվում են պրոքսի-սերվերների հետեւում, ինչը զգալիորեն նվազեցնում է նրանց հայտնաբերման ռիսկը:

Քանի որ ԱՄՆ-ը առաջատար է նոր տեխնոլոգիաների մշակման բնագավառում, զեկույցում պարզորոշ ասվում է, որ կիբերլրտեսությունը կարող է մշտական սպառնալիք լինել ԱՄՆ տնտեսական անվտանգության համար եւ երկրի տնտեսությանը հասցնել տարեկան 400 մլրդ դոլարի վնաս: