Փոխարժեքներ
06 10 2024
|
||
---|---|---|
USD | ⚊ | $ 386.99 |
EUR | ⚊ | € 426.85 |
RUB | ⚊ | ₽ 4.07 |
GBP | ⚊ | £ 509.55 |
GEL | ⚊ | ₾ 141.53 |
Երևանի քաղաքապետարանի առևտրի և սպասարկումների վարչությունը՝ «Սպառողների ասոցիացիա» ՀԿ-ի ներկայացուցիչների հետ համատեղ, հերթական հսկողական շրջայցերն են կազմակերպել պարենային ապրանքների առավել խոշոր 40 խանութներում` պիտանելիության ժամկետն անցած սննդամթերք հայտնաբերելու և դրանց վաճառքը բացառելու նպատակով:
Երևանի քաղաքապետի պաշտոնակատար Տարոն Մարգարյանին զեկուցվել է, որ շրջայցերի արդյունքում հայտնաբերված ժամկետանց ապրանքատեսակների շարքում գերակշռել են կաթնամթերքը, պատրաստի մսամթերքը, կիսապատրաստվածքներն ու զովացուցիչ ըմպելիքները:
Տնտեսվարողներին զգուշացվել է նաև ձեռնպահ մնալ կասկածելի՝ ոչ պարզորոշ ժամկետայնությամբ, ինչպես նաև օտարալեզու մակնշումով սննդամթերք վաճառելուց:
ՀՀ վարչական իրավախախտումների օրենսգրքի 158-րդ հոդվածի 1-ին մասով տույժի է ներկայացվել 17 կազմակերպություն, ինչը ենթադրում է տուգանքի նշանակում՝ սահմանված նվազագույն աշխատավարձի հիսունապատիկից մինչև հարյուրապատիկի չափով. տեղեկացնում է Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը: