WTA-ի վարկանիշային աղյուսակի փոփոխությունները

Ստամբուլում ավարտված WTA-ի ամփոփիչ մրցաշարից հետո վարկանիշային աղյուսակն այլ պատկեր է ստացել: Հոլտեմբերի 31-ին հրապարակված տվյալներով`  Պետրա Կվիտովան` վերոնշյալ մրցաշարի հաղթողը, զբաղեցնում է 2-րդ հորիզոնականը:

Իսկ բելառուսցի Վիկտորիա Ազարենկան շրջանցել է Մարիա Շարապովային և այժմ զբաղեցնում է երրորդ հորիզոնականը: Ամփոփիչ մրցաշարի կիսաեզրափակիչ փուլ դուրս գալն ավստրալուհի Սամանտա Ստոսուրին բարձրացրել է վեցերորդ հորիզոնական, ինչի արդյունքում նա շրջանցել է ռուսաստանցի Վերա Զվոնարյովային:

Առաջատարն անփոփոխ է. 21-ամյա դանիացի Կարոլին Վոզնյացկին, չնայած այն փաստին, որ ոչ մի լուրջ մրցաշարում չի կարողանում հաղթել և լավագույն դեպքում հայտնվում է ընդամենը կիսաեզրափակչում, շարունակում է գլխավորել վարկանիշային աղյուսակը:

Ատորև ներկայացնում ենք WTA-ի վարկանշային աղյուսակը.

1. Կարոլին Վոզնյացկի (Դանիա) - 7485

2.Պետրա Կվիտովա (Չեխիա) - 7370

3.Վիկտորիա Ազարենկա (Բելառուս) - 6520

4.Մարիա Շարապովա (Ռուսաստան) - 6510

5.Նա Լի (Չինաստան) - 5720

6.Սամանտա Ստոսուր (Ավստրալիա) - 5585

7.Վերա Զվոնարյովա (Ռուսաստան) - 5435

8.Ագնեշկա Ռադվանսկա (Լեհաստան) - 5250

9.Մարիոն Բարտոլի (Ֆրանսիա) - 4710

10.Անդրեա Պետկովիչ (Գերմանիա) - 4580