Բաքվում վախենում են ԵԽԽՎ զեկուցողի այցից

ԵԽԽՎ քաղբանտարկյալների հարցով զեկուցող Քրիստոֆ Շտրոսերի` նոյեմբերի 4-ին նախատեսված այցը Ադրբեջան հետաձգվել է:

Ադրբեջանական ԱՊԱ գործակալությունը տեղեկացնում է, որ նրան չի հաջողվել այդ այցի համար վիզա ստանալ ադրբեջանական իշխանություններից:

Մեկնաբանելով կատարվածը` Ադրբեջանի ԱԳՆ մամուլի քարտուղար Էլման Աբդուլաեւը հայտնել է, որ Ադրբեջանը նման մանդատով զեկուցողի այցը համարում է անարդարացի եւ անընդունելի: «Եվրախորհրդի շրջանակներում «քաղաքական բանտարկյալ» հասկացության հստակ ձեւակերպում չկա: Ընդ որում` Ադրբեջանը դեմ չէ Շտրոսերի այցին` որպես սովորական քաղաքացի կամ Բունդեստագի պատգամավոր»,- ասել է նա: