Եկեղեցու սաունայի հարկերը չպետք է զիջենք

Եկեղեցին մինչ այս էլ գույքահարկ չի վճարել, հիմա պարզապես դա օրենսդրական դաշտ է բերվում. խորհրդարանական ճեպազրույցի ժամանակ ասաց ԱԺ ՀՀԿ խմբակցության ղեկավար Գալուստ Սահակյանը:

Անդրադառնալով գույքահարկիցազատվող օբյեկտների ցանկին` Գալուստ Սահակյանը նշեց, որ  մինչև երկրորդ ընթերցում այդ հարցեր պետք է լուծվեն: «Մի բան է, որ եկեղեցուն կարողանանք օժանդակել, մեկ այլ բան, որ պարտադիր կերպով եկեղեցու սաունայի հարկերը պետք է զիջենք»,- ասաց հանրապետական պատգմավորը` հավելելով, որ այդ ցանկի մեծ մասը «հոգեւոր արժեքների տրամադրություն չի ստեղծում»:

Այնուհանդերձ, առկա խնդիրների պետք է լուծվեն օրենսդրական դաշտում:

«Բայց այն, որ եկեղեցին պետք է հզորացնել, դա ես ոչ թե մեծ կրոնապաշտ եմ խոսում, այլ թեկուզ այն առումով, որ աղանդները մեր երկրի համար ավելի վտանգավոր են, քան Ադրբեջանի հորջորջած պատերազմները»,- ասաց Գալուստ Սահակյանը: