Եվրադատարանը Թուրքիայի դեմ վճիռ է կայացրել

Մարդու իրավունքների եվրոպական դատարանը հոկտեմբերի 25-ին վճիռ է կայացրել, ըստ որի` Թուրքիան հանցավոր է ճանաչվել թուրք պատմաբան Թաներ Աքչամին հալածելու համար, որը փորձում է ազատ քննարկման դնել Հայոց ցեղասպանության թեման. տեղեկացնում է «Ասպարեզ» թերթը:

Աքչամ դատական հայց էր ներկայացրել Թուրքիայի իշխանությունների դեմ` պնդելով, որ իր դեմ ճնշումներ են բանեցվում, որպես ինքը չարծարծի Հայոց ցեղասպանության հարցը: Փաստորեն, եվրադատարանը համաձայն է գիտնականի հետ, որ Թուրքիայի իշխանությունների կողմից պարտադրված օրենքները խախտում են խոսքի եւ արտահայտվելու ազատությունը երաշխավորելու մասին Թուրքիայի ստանձնած պարտավորությունները: