Ուկրաինական դատարանը ռուսաստանյան լցանավը կալանքի տակ առնելու վճիռ է կայացրել

Ուկրաինայում կալանք է սահմանվել Nika Spirit ռուսաստանյան լցանավի նկատմամբ, այդ թվում` խուզարկության ժամանակ առգրավված փաստաթղթերի. հայտնում է РИА Новости-ն` Ուկրաինայի գլխավոր դատախազ Անատոլի Մատիոսին հղումով:

Ընդ որում, ըստ դատախազի, ուկրաինական դատարանը ստուգել է զինվորական դատախազների և Ուկրաինայի անվտանգության ծառայության քննիչների գործողությունների օրինաչափությունը: Միաժամանակ ընդգծել է, որ ուկրաինական օրենսդրությունը չի նախատեսում հյուպատոսի կամ դիվանագիտական հաստատության ներկայացուցչի համաձայնությունը Ուկրաինայի տարածքում գտնվող ծովային կամ գետային տրանսպորտում քննչական գործողություն իրականացնելու համար: